Кніга Псальмаў, псальм 1

Шчасьлівы чалавек, які не хадзіў паводле рады бязбожнікаў, не стаяў на шляху грэшнікаў і не сядзеў паміж насьмешнікаў, бо да закону ГОСПАДА імкненьне яго і пра закон Ягоны будзе разважаць ён днём і ноччу. І будзе ён як дрэва, пасаджанае пры цячэньні водаў, якое прыносіць плод свой у часе сваім, і лістота якога ня вяне, і ва ўсім, што ён робіць, ён посьпех мае. Ня гэтак бязбожнікі, яны як мякіна, якую вецер разносіць. Таму не ўстаяць бязбожнікі на судзе, ані грэшнікі на сходзе праведных, бо ГОСПАД ведае шлях праведных, а шлях бязбожнікаў загіне.