Кніга Псальмаў, псальм 87

Сыноў Караха. Псальм. Сьпеў. Угрунтаваньне ягонае на гарах сьвятых. Любіць ГОСПАД брамы Сыёну больш за ўсе іншыя сялібы Якуба. Слаўныя [рэчы] казаныя пра цябе, горад Божы! (Сэлях) Узгадаю пра Рагаў і Бабілён перад тымі, што ведаюць мяне. Вось, Філістына і Тыр разам з Кушам [скажуць]: “Гэты нарадзіўся там”. А пра Сыён будуць казаць: “Той чалавек і той чалавек нарадзіўся ў ім, і Найвышэйшы ўзмацняе яго”. ГОСПАД палічыць, запісваючы народы: “Гэты нарадзіўся там” . (Сэлях) І тыя, што сьпяваюць, і тыя, што таньчаць [скажуць]: “Усе мае крыніцы ў Табе!”.